Penitente e prodigiosu
Santu de amore costante
dae grassiasa abbondante
Antoni Abate diciosu.
De s'isplendore infiniu
brillante raggiu doradu
e serafinu incarnadu
de sa regione d'Egitu
pro esser in d'ogni conflitu
esemplare misteriosu.
Naschidu da alta grandesa
pienu de umilidade
abbrazzada sa povertade
renunziada ogni ricchesa
e si unidi cun lestresa
a su deus amorosu.
S'evangelica dottrina
in pulpitu l'adat t'intesu
e s'opera sua in mesu
in sa cresia pellegrina
dande a sa oghe divina
gratu assensu virtuosu.
Su corpu pro castigare
chircat modos e maneras
passande nottes interas
senza niente riposare
cun s'intentu de lograre
pustis mortu su riposu.
In continua penitenzia
chent'annoso at passau
su corpu estenuadu
cun mirabile astinenza
esemplu de continenza
umile castu e piedosu.
si de fogu appelidu
t'at s'eclesia santa
est chifistis de tanta
caridaderivestiu
fogu chi a terra at battiu
su Sennore poderosu.
Cando benit a mancare
prenda alcuna de valore
e tue intercessore
dae lughe a l'incontrare
e su furadu torrare
faghe a s'ambiziosu.
Già chi sa vida presente
nos este crudele battaglia
chi s'infernale canaglia
nos faghet continuamente
't'invocamus commente
capitanu valorosu.
